ટોમ ક્રૂઝના ચાહકો માટે ખુશખબર, Mission Impossible 8 હવે ભારતમાં નક્કી કરેલ તારીખ પહેલા થશે રિલીઝ. જાણો નવી માહિતી અને ખાસ રિલીઝ ડિટેલ્સ.
હોલિવૂડના મહાન અભિનેતા ટોમ ક્રૂઝ ફરીથી પોતાના લોકપ્રિય પાત્ર ઈથન હન્ટ તરીકે ધમાકેદાર એક્શન સાથે પર્દા પર ધમાલ મચાવવા તૈયાર છે. વિશ્વભરના જેવા જ ભારતના ચાહકો પણ વર્ષોથી Mission Impossible 8ની આતુરતાથી રાહ જોઈ રહ્યા હતા. હવે તેમના ઉત્સાહમાં વધુ ઉમેરો કરતા સમાચાર આવ્યા છે.
ભારતમાં 17 મે 2025 ના દિવસે ધમાકેદાર એન્ટ્રી કરશે Mission Impossible 8
પેરામાઉન્ટ પિક્ચર્સે પોતાની સત્તાવાર જાહેરાતમાં જણાવ્યું કે, Mission Impossible 8 હવે ભારતમાં 23 મેના બદલે 17 મે 2025ના રોજ રિલીઝ થશે. સાથે સાથે ટોમ ક્રૂઝનું એક શાનદાર બ્લેક એન્ડ વ્હાઇટ પોસ્ટર પણ શેર કર્યુ છે, જેને જોઈને ચાહકોમાં ખુશી ની લહેર ફાટી નીકળી છે.
અનેક ભાષાઓમાં થશે રિલીઝ
ભારતીય દર્શકોની બહોળી રેંજને ધ્યાનમાં રાખીને, Mission Impossible 8 હવે અંગ્રેજી ઉપરાંત હિન્દી, તમિલ અને તેલુગુ ભાષાઓમાં પણ રિલીઝ થશે. આ નિર્ણયથી સ્પષ્ટ થાય છે કે નિર્માતાઓ દેશભરના દરેક ખૂણાં સુધી પોતાના આ મેગા પ્રોજેક્ટને પહોંચાડવા માંગે છે. ચાહકોએ પણ સોશિયલ મીડિયા પર જોરદાર પ્રતિસાદ આપતા ફિલ્મને ઇંગ્લિશ સબટાઇટલ્સ સાથે પણ રજૂ કરવાની માગણી કરી છે.
Mission Impossible ફ્રેન્ચાઇઝીનો વિજયમય સફર
Mission Impossible સિરીઝની શરૂઆત 1996માં થઈ હતી, ત્યારથી અત્યાર સુધી દરેક ભાગે ફિલ્મી જગતમાં એક નવો ધમાકો કર્યો છે.
- 2000, 2006 અને 2011માં આવેલા પાર્ટ્સે ભવ્ય સફળતા મેળવી હતી.
- 2015માં ‘Rogue Nation’ અને 2018માં ‘Fallout’ એ પણ બોક્સ ઑફિસ પર ધમાકેદાર કમાણી કરી.
- 2023માં રિલીઝ થયેલી ‘Dead Reckoning Part One’ એ વૈશ્વિક સ્તરે મજબૂત પ્રતિસાદ મેળવ્યો.
હવે બધાંની નજરો Mission Impossible 8 એટલે કે ‘The Final Reckoning’ પર છે, જે સમગ્ર સિરીઝને ભવ્ય ઍંડ આપશે.
Mission Impossible 8 શા માટે છે ખાસ?
Mission Impossible 8 માત્ર એક નવી સ્ટોરી જ નહીં, પણ આખી સિરીઝનું અંતિમ અધ્યાય છે. ટોમ ક્રૂઝ ફરીથી પોતાના પાત્રમાં ઈથન હન્ટ તરીકે એક આખરી અને સૌથી ખતરનાક મિશન પૂરું કરતા નજરે પડશે.
ફિલ્મનું નિર્દેશન ક્રિસ્ટોફર મેકકુએરી દ્વારા કરવામાં આવ્યું છે, જેમણે અગાઉ પણ સિરીઝના ઘણી સફળ ફિલ્મો બનાવી છે. ફિલ્મમાં હાઈ-ઓક્ટેન એક્શન સીન, ધમાકેદાર કહાની અને ટોમ ક્રૂઝનો એન્જેટીક પર્ફોર્મન્સ દર્શકો માટે એક યાદગાર અનુભવ બનશે.
જો તમે એક્શન અને થ્રિલર ફિલ્મનો આનંદ લેવાનો ઈચ્છતા હો અને ટોમ ક્રૂઝના ફેન છો, તો 17 મે 2025 ને તમારી ડાયરીમાં મોર્ક કરવાનું ભૂલશો નહીં. કારણ કે આ ફિલ્મને મિસ કરવી ખરેખર “મિશન ઇમ્પોસિબલ” બની જશે!
