ભારતમાં iPhoneનું ઉત્પાદન બેગણું થશે! 2026 સુધી ભારત બનશે iPhoneનો મોટો ઉત્પાદક દેશ. જાણો આખી વિગતો અહીં.
એપલ હવે ચીનથી પોતાનું આધાર ઊંચકી ભારત તરફ લાવી રહ્યું છે! અમેરિકી રાષ્ટ્રપતિ ડોનાલ્ડ ટ્રમ્પના ચીન પર ભારે ટેરિફ લગાવ્યાથી અને બે દેશો વચ્ચે વધેલા તણાવ વચ્ચે, એપલએ નિર્ણય કર્યો છે કે હવે ભારતમાં પોતાની iPhone મેન્યુફેક્ચરિંગનો ઝુકાવ વધારે છે.
વિસ્તૃત માહિતી અનુસાર, હાલમાં ભારતમાં દર વર્ષે અંદાજે 40-43 મિલિયન iPhoneનું ઉત્પાદન થાય છે, જેમાંથી આશરે 80 ટકા યુનિટ્સ નિકાસ કરવામાં આવે છે. પરંતુ હવે, 2026ના અંત સુધીમાં ભારતનું ઉત્પાદન વધીને 70-80 મિલિયન યુનિટ સુધી પહોંચી શકે છે. એટલે કે, ભારતમાં હવે iPhoneનો ધમાકો થશે અને અમેરિકા માટે ભારત પ્રમુખ સપ્લાયર બનશે!
ટાટા ગ્રૂપનો મોટો દાવ અને ભારતમાં વધતી તક
ટાટા ગ્રૂપે તાઇવાનની કંપની વિસ્ટ્રોન (Wistron)ને અધિગ્રહિત કરી છે અને હવે પેગાટ્રોન ઈન્ડિયામાં 60 ટકા હિસ્સો મેળવી ચૂક્યો છે.
આ પગલાં સાથે, ઇન્ડસ્ટ્રી વિશ્લેષકો કહે છે કે આગામી 18 મહિનામાં ભારતમાં વૈશ્વિક iPhone વેચાણનું આશરે 40 ટકા ઉત્પાદન થઈ શકે છે, જે હાલની સરખામણીએ 18-20 ટકા વધારે છે.
એટલે કે, હવે ભારતીય મજદૂરો અને ઉદ્યોગો માટે એક સુવર્ણ અવસર ઊભો થયો છે.
ઉત્પાદન વધારવા માટે જરૂર પડશે વિશેષ પ્રયાસો
ET (Economic Times)ની એક રિપોર્ટ મુજબ, સરકાર પણ ઇલેક્ટ્રોનિક્સ ઉત્પાદનને પ્રોત્સાહન આપવા માટે વિવિધ નીતિઓ અને સહકાર ઉપાયો લાવી રહી છે.
IDC ઇન્ડિયા ના એસોસિયેટ વાઇસ પ્રેસિડન્ટ નવકંદ્ર સિંહ મુજબ, હાલ ભારતમાં iPhoneનું ઉત્પાદન એપલના વૈશ્વિક શિપમેન્ટનું 17-20 ટકા છે. જો ભારતમાં દર વર્ષે 70-80 મિલિયન યુનિટનું ઉત્પાદન થવાનું હોય, તો પૂરા ઈકોસિસ્ટમને વધુ મજબૂત બનાવવો પડશે.
એપલના સપ્લાયર્સે 2025ના નાણાકીય વર્ષમાં અંદાજે 1.5 લાખ કરોડ રૂપિયાનું iPhone નિકાસ કર્યું છે, જે 2024ના અંદાજિત 85,000 કરોડ રૂપિયાથી દોઢગણું છે.
શું બદલાશે ભારત માટે?
- હજારો નવી નોકરીઓનો અવસર.
- સ્થાનિક ઉત્પાદન ઉદ્યોગમાં નવો ઉછાળો.
- ભારત વિશ્વનું iPhone મેન્યુફેક્ચરિંગ સેન્ટર બની શકે છે.
- દેશના એક્સપોર્ટમાં મોટો વધારો થઈ શકે છે.
એટલે કે, હવે ‘મેડ ઇન ઇન્ડિયા’ પણ વૈશ્વિક ફલેટફોર્મ પર શાનથી બોલશે!
