‘જે રીતે તું રમી રહ્યો…’ – સૌરવ ગાંગુલીએ વૈભવને શું કહ્યું, તે વાયરલ થયું

ગાંગુલીએ વૈભવને કહ્યું કે મેં તારી રમત જોઈ છે. કોઈ પણ ડર વગર, તું જે રીતે રમો છો તે રીતે ક્રિકેટ રમજે. તારે તારી રમત બદલવાની જરૂર નથી.

ભૂતપૂર્વ ભારતીય કેપ્ટન સૌરવ ગાંગુલી 4 મે, રવિવારના રોજ કોલકાતાના ઈડન ગાર્ડન્સ ખાતે 14 વર્ષીય ક્રિકેટ સેન્સેશન વૈભવ સૂર્યવંશીને મળ્યો હતો અને તેને પ્રોત્સાહિત કર્યો હતો. ટીમ ઈન્ડિયાના ભૂતપૂર્વ કેપ્ટને તેમને પોતાની નિર્ભય શૈલીને વળગી રહેવા કહ્યું.

ઇન્ડિયા ટુડેએ સૂત્રોના હવાલાથી જણાવ્યું હતું કે ગાંગુલીએ વૈભવને કહ્યું હતું કે, “મેં તારી રમત જોઈ છે. તું જે રીતે ક્રિકેટ રમે છે તે રીતે, કોઈ પણ ડર વગર રમ. તારે તારી રમત બદલવાની કોઈ જરૂર નથી.”

ગાંગુલીએ ખૂબ જ ભારી બેટ અને પાવર-હિટિંગની કરી પ્રશંસા

ગાંગુલીએ પણ આ યુવાન ખેલાડીના ભારે બેટ પર ધ્યાન આપ્યું અને તેની પાવર-હિટિંગ ક્ષમતાની પ્રશંસા કરતા કહ્યું, “તેની પાસે સારી શક્તિ છે. તેણે KKR મેચમાં રન બનાવ્યા ન હતા, પરંતુ તે ખૂબ જ સારો ખેલાડી છે.”

IPLમાં ઇતિહાસ રચનાર સૌથી નાનો સદીવીર

સૂર્યવંશીએ IPLમાં સદી ફટકારનાર સૌથી નાની ઉંમરનો ખેલાડી બનીને ઇતિહાસ રચ્યો છે. રાજસ્થાન રોયલ્સનું પ્રતિનિધિત્વ કરતા, ૧૪ વર્ષીય સૂર્યવંશીએ ગુજરાત ટાઇટન્સ સામે માત્ર ૩૮ બોલમાં ૧૦૧ રન બનાવ્યા, જેમાં ૧૧ છગ્ગા અને ૭ ચોગ્ગાનો સમાવેશ થાય છે. તેમની નીડર બેટિંગે ક્રિકેટના દિગ્ગજો અને ચાહકોનું ધ્યાન ખેંચ્યું છે.

બ્રાયન લારાથી પ્રેરણા, યુવરાજ-ગાંગુલી જેવી બેટિંગ શૈલી

મહાન બ્રાયન લારાથી પ્રેરિત વૈભવના બેટને જોઈને, તમને યુવરાજ સિંહ અને ગાંગુલી યાદ આવે છે જેમને ભારે બેટથી રમવાનું ખૂબ ગમતું હતું. ૧.૧ કરોડ રૂપિયામાં ખરીદાયેલા આ યુવા ખેલાડીએ ૧૨ વર્ષની ઉંમરે બિહાર માટે રણજી ટ્રોફીમાં ડેબ્યૂ કર્યું હતું.

જ્યારે ગાંગુલી ટીમ ઈન્ડિયાના કેપ્ટન હતા, ત્યારે તે સમયે ટીમ ઈન્ડિયાના કોચ ગ્રેગ ચેપલ હતા. આગળ ગાંગુલી એ કહ્યું વૈભવ સૂર્યવંશી અંગે પણ નિવેદન આપ્યું છે. તેમણે કહ્યું છે કે વૈભવ પર અત્યારે દબાણ કરવું યોગ્ય રહેશે નહીં, નહીં તો વિનોદ કાંબલી અને પૃથ્વી શોની જેમ તેની કારકિર્દી પાટા પરથી ઉતરી શકે છે.